رخامة العربية دى تصميمها يخليك موش شايف قدامك وله وراك لما تيجى تركن
فكنت بركن وقربت اوى من الرصيف لدرجة انى دخلت فيه لقيت الاكصطدام فك من الناحية اليمين ( الكلبسات بتاعته ضربت ومن ساعتها وانا كاره حياتى رخامة العربيات الجديدة تحس انها ورق كلينكس ومرشوش دهان ميتاليك :argue2::H_angry[1]::evil::fun_broken::whtauwant::toothgrin:
معلش يا باشا قدر الله وما شاء فعل
لو على الكليبسات بسيطه بس المهم اللون مايكونش طلع :(
وابقى ركب parking sensor طالما لسه عندك مشكله مع ابعاد العربيه
شوية خرابيش والذى منه بس فعلا والله لازم ان شاء الله اركب سنسور باركاقتباس:
المشاركة الأصلية كتبت بواسطة mahmoud_afifi
جرب تديها شوية كومباوند بعدين بوليش والخرابيش هتروح ان شاء الله.اقتباس:
المشاركة الأصلية كتبت بواسطة khaabas
وحاول ماتكسلش في موضوع السنسور
ربنا يحفظلك العربيه من الخبطات
قدر الله وما شاء فعل يا هندسة وعلى راى المثل اللى يجى فى الصاج :)
انا عندى نفس المشكلة بس بعقد اركن بالشعرة لحد ما تتظبط علشان ما تتخبطش
الله يخرب بيت الاستغلال يعنى عربية زى ديه مفهاش بارك سينسور حسبى الله ونعم الوكيلاقتباس:
المشاركة الأصلية كتبت بواسطة khaabas
قدر الله و ماشاء فعل
معلش و لازم تقدر مسافات عربيتك كويس و تعمل حسابك و أنت بتركن
أو تعمل زي حالاتي و تركب كاميرات في الامام و الخلف علشان تشوف كويس أنت داخل فين
الحمد لله على كل حاجه
هاتضايق يومين كدا وبعدها هاتتقبل الخبطه
وبفضل الله انها جت على الاكصدام
ياعم كده كده طالما انت فمصر الاكصدام هيتفك مرة واتنين وتلاته
وهتقعد تربط فيه العمر كله
الحمد لله انها جت بسيطة والاكصدام لا يعيب العربية إطلاقاااااا
قدر الله وماشاء فعل , والحمد لله انها جت على قد كدة
بسيطة ان شاء الله
العربيات الجديدة بقت فعلاً رخمه جداً في ابعادها , وبالذات الإلنترا والأكسنت وما شابه !!!
الحل الوحيد انك تركب باركينج سنسور أو كاميرا خلفية ودي اسعارهم بقت رخيصة دلوقتي
المشكلة انك حتتعود عليهم وموش حتعرف تركن أي عربية بعد كده من غيرهم !!!
تحياتي
متزعلش نفسك وتعيش وتخبط وتكسر وتعمل كل اللى انت عاوزه .. انا كنت زيك كده جبت العربيه وقلت خمس سنين لحد ميجرى معايا حاجه وحياتك مكملت 4 شهور وكان ولاد الحلال مظبطين العربيه :(( وكل خدش عندى من اخطاء الاخرين وزهقت والله وحيجيلى السكر من الغباء مش اكتر
.. فكبر مخك على رأى مبارك وعيشيا كباس :))))))))))
اقتباس:
المشاركة الأصلية كتبت بواسطة Walid_M
دي أمثلة للكاميرات اللي بيتم تركيبها في السيارات بالامام و الخلف
http://t3.gstatic.com/images?q=tbn:A..._TSqZRAkuYBl2w
ده النوع اللي راكب عندي في الألنترا MD
http://i01.i.aliimg.com/wsphoto/v0/3...pg_250x250.jpg
دي ممكن تركب قدام
http://img.alibaba.com/photo/3170475...deo_system.jpg
ده نوع تاني فيه باركينج سنسور و كاميرا ليلية
تكلفتها كام دى ياباش مهندس وهل حتخرج العربيه من الضمان
انا كنت بجرب الينترا ٢٠١٢ معرفتش اركنها
الحمد لله انها جات علي الكلبسات
انا كلفتني حوالي 4,500 جنيه بالتركيب لأنها ضمن منظومة كاملةاقتباس:
المشاركة الأصلية كتبت بواسطة elmo7amed
شاشة lcd - dvd و جي بي أس و بلوتوث و يو أس بي
طبعا في التوكيل بتخرجك من ضمان الكهرباء
الحمدالله اللى هى جت على قد كده
قدر الله وماشاء فعل
بص فى الاول وفى الاخر دى عمليه تعود على العربيه اللى انت بتسوقها ولما تسوقها كتير حتحفظها اوى وحتعرف تتعامل معاها وابعادها حتبقى حافظها
يعنى مش عربيه وكبيره وعربيه صغيره
كلو بالتعود
وتقبل مرورى
تمام لو شاشه الدى فى دى موجوده بمحتوياتها دى الكميرا بقه بكام وبتركب فين وهلى عادى انى اضيع ضمان الكهربا وحيكون بتركيب الحجات دى لعب فى الكهربا ولا توصيل سلس عادى بفيش موجودهاقتباس:
المشاركة الأصلية كتبت بواسطة Samir Elshahawy
معلش متقل عليك انا عارف :F_eyeb1[1]:
اقتباس:
المشاركة الأصلية كتبت بواسطة elmo7amed
الشاشة بتيجي معاها الكاميرا الخلفية فقط و انا زودت عليها الكاميرا الامامية
الشاشة بتركب مكان الكاسيت الاصلي بنفس الوصلات يعني مافيش تغيير في الضفيرة أو لعب في الكهرباء
المشكلة بتكون في الكاميرا الخلفية تحديدا لأنها لازم تأخد طرف كهرباء من لمبة المارشدير علشان كده بيعتبرها أنك لعبت في الضفيرة
ده الموضوع الاصلي
http://www.nilemotors.net/Nile/266600-2012-8.html
و دي صور للشاشة و الكاميرات
الشاشة موجودة عند السجان بشارع دمشق و تعمل حوالي 2250 جنيه حاليا
و التركيب عنده و عليها ضمان سنة
و فيه منها موديلات
أكسنت rb
ألنترا hd
الف شكر ليكم كلكم والله يا رجالة خففتم عنى الضيق والله بس ده اللى متوقع من اخواتى
شكرا لحضرتك
بعد إذن الباشمهندس ........ أنا لي صديق مركب كاميرا خلفية من يوميين واشتراها من هنا في طنطا وكانت ب 260 جنيه !!!اقتباس:
المشاركة الأصلية كتبت بواسطة elmo7amed
وهي طبعاً حتخرج ضفيرة الكهرباء فقط من الضمان !!! , لأنك حتاخد طرف كهرباء من لمبة المارشيدير , وخلي بالك هي ممكن تعدي والتوكيل ما يا خدش باله لأن الكاميرا بتبقى مخفيه , وابقى خبي المراية :F_eyeb1[1]: !!!
في أسوأ الظروف ضمان الكهرباء فقط اللي حيسقط إنما باقي الضمان شغال .
تحياتي
تخيل حضرتك أني ركبت الكاميرا اللي قدام و هي أضافية لنفس السبب و بعد أن رشقت بالعربية و هيا لسه جديدة في عمود حديد أرتفاعه عن الارض لايزيد عن 30 سم و مدهون باللون الاسود و كنت بالليل و داخل أركن عمودي علي الرصيف
طبعا البهوات سكان العمارة كانوا عاملين الحديد ده علشان ماحدش يركن و لما عملت محضر في القسم جه الحي و أجبرهم يشيلوا الحديد لكنهم قصوه و كانت النتيجة أني داخل أركن بالليل و بالرغم من أني منور الفوج لايت و النور الواطي لكن فجأة حسيت أن العربية ركبت فوق حجر و أن الموتور أتكسر
لما نزلت و شوفت منظر الاكصطدام أتجننت و بعلو صوتي بقيت أنادي علي سكان العمارة و أشتمهم و طلعوا يبصوا لي من البلكونات و ماحدش فيهم بينطق و كنت عايز حد منهم ينزل لي علشان اناوله بالحديدة دي
كلام مظبوط فعلااقتباس:
المشاركة الأصلية كتبت بواسطة Walid_M
بس تخبي مين !! دول مابيصدقوا و أول مابيشوفوا الكاميرا أو الشاشة مين غير تفاهم بيكتبوها
الحل أنك قبل ماتروح التوكيل تشيل الكاميرا و الشاشة و ترجع كل حاجة لصلها و بعدين تبقي تركبهم تاني بعد ماتطلع من التوكيل :ma:
خد بالك يا باشمهندس الكاميرا المنفصلة دي من غير شاشة زي اللي عندكاقتباس:
المشاركة الأصلية كتبت بواسطة samir elshahawy
دي بيبقى لها مراية بتركب على المراية الداخلية , يعني مسمارين واخلع ويبقوا يقابلوني !!!
يعني القصة مختلفة عن اللي عند حضرتك , ده الراجل كل اللي حيعمله حياخد وصلة من سلك لمبة المارشيدير ودمتم ..........
وبصراحة هما بيستهبلوا في الحكاية دي !!!
حاقولك حاجة ظريفة , أنا عربيتي ركبتلها الباركينج سينسور عند السجان وأنا في الضمان , وفضلت بعديها سنتين في الضمان وكنت بعمل الصيانات في فرع قليوب وعمر حد ما كلمني عليهم أو حتى عمل ملاحظة عند التسليم ....
يمكن عشان الحمد لله محصلش مشكلة في الكهرباء استدعت اللجوء للضمان ..... ربما !!!
المشكلة ان التوكيلات هنا في مصر بيتفننوا في كيفية الهروب من الضمان وبيصدروا الكلام ده لموظفيهم !!!
ويفضلوا يخترعوا في حاجات يقرفوك بيها عشان يسرقوك { زي اختراع عمو غبور بتاع صيانة ال 5000 كم } .
ولو ليك حق يخلعوا وانت اللي غلطان !!!
يا سيدي الفاضل ده الواحد بيتنقط لما يقرأ كل شوية ان هوندا مثلاً سحبت كام الف عربية في دولة كذا عشان عيب صناعة وبي ام ورينو وكل شركات السيارات اللي في الدنيا , على شرط بيسحبوا كل الدفعة موش الناس اللي اشتكت بس !!!
هنا بقى تلاقي ناس بتغير تيل على 15000 كم زي الصني الجديدة مثلا ويطلعوك انت اللي غلطان .
طبعاً موش كل الناس وحشة لكن الوحشين كثير ....
عمو غبور اللي بيلغي الضمان عشان الباركينج سينسور حياخد طرف كهرباء من المرشيدير .
الافندي لما نزل الالنترا 2007 عشان يوفر نزل العربيات من غير الكاسيت و الإنذار الأصلي , واتفق مع عشم نوار اللي في شارع دمشق يركبلوا جهاز إنذار مصري إسمه غريب بريموت كده , أخره يبقى على توك توك وأجهزة رفع وكاسيت سي دي مصري ودغدغ الضفيرة عشان يعدلها على الأجهزة دي .
تخيل حضرتك لما تشتري عربية ب 110,000 جنيه من ست سنين وتلاقي الضفيرة مقطعة وملفوفة بالشيكرتون الصيني !!!
خد بالك سعر جرام الذهب ايامها كان 100 جنيه , يعني بسعر الذهب النهاردة ال 110,000 جنيه دول يسوا النهارده 330,000 جنيه أو اكثر .
عذراً للإطالة ..... وتقبلوا فائق الشكر والتقدير
هههههه .اقتباس:
المشاركة الأصلية كتبت بواسطة samir elshahawy
احنا المصريين ما بنغلبش .
تحياتى ليك يا بشمهندس.
والله يا باشا دى فعلا حاجه تنرفزاقتباس:
المشاركة الأصلية كتبت بواسطة samir elshahawy
حديد وطوب وبلاعات ومحدش يركن ادام حد
ده الواحد بيبقى ماشى مروووووش